trialei di rialei di reit du-li-åh
jup sup sup sui, hiatz is hungaleidn gå
kemmts leitla stoaßts ån / nåchand saufts no wås drån
weil oans is gånz gwiß / daß heit feiertåg is
auf n wåld und auf s holz / sen mia lungaua stolz
und draus måchn mir / insa hirschnpåpier
a fabrik und a kråftwerk und a dåmpfeisnbåhn
bringant årbat glei gnuag und en wohlstånd vorån
a knecht bin i gwen / åba s seg is vabei
weil åb morgn in da friah /wer i årbata sei
koa wåndang za liachtmeß / koa löffe am huat
jedn såmståg a geaschtl / jå mei geahts ins guat
es geld auf de hånd / kriagt da årbatastånd
und åls wa s no nid gnua / glei a wohnung dazua
da seitlinger frånz / holt de kathl zan tånz
weil se håmb se so gern / wechts zan heiratn werdn
weil da pfåra håt gsåg / s is a sünd und a plåg
wås sie mit n frånz tuat / åba n segn taugs so guat
åba da pfåra / der håt då koan gwåhra
der redt – gotterbårm / wia da blinde va fårbn
trialei di rialei di reit-du-li-åh
hiatz geahts leben richtig ån