O fílii et fíliae,
Rex caeléstis, rex glóriae,
Morte surréxit hódie, alleluia.

Et mane prima sábbati,
Ad óstium monuménti
Accessérunt discípuli, allelúia.

Et maría magdaléne,
Et jacóbi, et salóme,
Venérunt córpus úngere, allelúia.

In álbis sédens ángelus,
Praedíxit muliéribus:
In galilaéa est dóminus, allelúia.

Et joánnes apóstolus
Cucúrrit petro cítius,
Monuménto vénit príus, allelúia.

Discípulis adstántibus,
In médio stétit chrístus,
Dícens: pax vóbis ómnibus, allelúia.

Ut intelléxit dídymus,
Quía surréxerat jésus,
Remánsit fére dúbius, alleluia.

Víde, thóma, víde látus,
Víde pédes, víde mánus,
Nóli ésse incrédulus, alleluia.

Quando thómas chrísti látus,
Pédes vídit átque mánus,
Díxit: tu es déus méus, allelúia.

Beáti qui non vidérunt,
Et fírmiter credidérunt,
Vítam aetérnam habébunt, alleluia.

In hoc fésto sanctíssimo
Sit laus et jubilátio,
Benedicámus dómino, alleluia.

De quíbus nos humíllimas
Devótas átque débitas
Déo dicamus grátias, alleluia.