1. Crux Fidelis, inter omnes
Arbor una nobilis:
Nulla silva talem profert,
Fronde, flore, germine:
*Dulce lignum, dulces clavos, Dulce pondus sustinet.

Pange, lingua, gloriosi Lauream certaminis,
Et super Crucis trophaeo Dic triumphum nobilem:
Qualiter Redemptor orbis Immolatus vicerit.

2. Da parentis protoplasti Fraude Factor condolens,
Quando pomi noxialis In necem morsuruit:
Ipse lignum tunc notavit, Damma ligni ut solveret. *Dulce...


3. Hoc opus nostrae salutis Ordo depoposcerat:
Multiformis proditoris Ars ut artem falleret:
Et medelam ferret inde, Hostis unde laeserat. Crux...

4. Quando ergo sacri Planitudo temporis,
Misus est ab arce Patris Natus, orbis Conditor,
Atque ventre virginali Carne amictus prodiit. *Dulce...

5. Vagiat infans inter arcta Conditus praesepia:
Membra pannis involuta Virgo Mater alligat:
Et Dei manus pedesque Stricta cingit fascia. Crux...

6. Lustra sex qui jam peregit, Tempus implens corporis,
Sponte libera Redemptor Passioni deditus,
Agnus in Crucis levatur Immolandus stipite. *Dulce...

7. Felle potus ecce languet:
Spina, clavi, lancea, Mite corpus perforarunt,
Unda manat et cruor: Terra, pontus, astra, mundus, Quo lavantur flumine! Crux...

8. Flecte ramos, arbor alta, Tensa laxa viscera,
Et rigor lentescat ille, Quem dedit nativitas:
Et superni membra Regis Tende miti stipite. *Dulce...

9. Sola digna tu fuisti Ferre mundi victimam:
Atque portum praeparare Arca mundo naufrago:
Quam sacer cruor perunxit, Fusus Agni corpore. Crux...


10. Sempiterna sit beatae Trinitati gloria:
Aequa Patri Filioque; Pardecus Paraclito:
Unius Trinique nomem Laudet universitas. Amen. *Dulce...